自僱做老闆，仲要記得「自顧」退休策劃
一世人流流長，總有好多嘢想得到、好多目標想達成。喺唔同嘅人生階段，追求嘅嘢都唔一樣。雖然每一個追求嘅背後難免都有代價，但唔少人本住YOLO（you only live once）嘅信念，都會為自己嘅夢想放手一搏。唔試過，人生就白過。
正因為人生只得一次，既要對得住「現在」，都要考慮埋「將來」。但若然「現在」同「將來」有唔同嘅追求，而兩者都需要相當資金，係唔係代表一定要放棄一樣先可以換來另一樣？
Allin自小就有一個開café嘅夢想，打咗十幾年工，終於儲到創業本金，就毅然放棄高薪厚職，開咗一間精品咖啡店圓夢。為咗照顧自己嘅心血結晶，加上要控制成本，舖頭嘅大小事務Allin都盡量一手包辦。
不過，最花精神時間係要睇實盤數：生意好賺到錢，就諗點樣將盈餘用作硬件升級同研發新menu，用盡一分一毫力臻完美先至對得住夢想；生意淡靜嘅時候，就要諗辦法左慳右慳，盡力維持收支平衡，務求保住辛苦建立嘅一切。
燦爛過後，有無得happily ever after？
Allin最理想嘅人生藍圖係趁有魄力嘅時候完成夢想，到老咗退休就過啲消遙自在嘅生活。佢間中都會擔心，而家將積蓄、甚至生意賺到嘅錢都投放晒喺咖啡店，就算間舖做得起，到退休時賺到嘅錢係咪夠過世？定係要放棄退休做到百年歸老？間舖做唔住血本無歸點算？打工仔退休至少都仲有強積金頂住，但Allin係自僱人士，只有自己嗰5%供款，比起打工仔少咗僱主供款嗰部分，變相佢嘅基本退休保障少咗一半！雖然心裡面一直有憂慮，不過Allin同好多自僱人士一樣，因為生意未上軌道、收入唔穩定，所以覺得與其計劃退休咁遙遠嘅事，都係搞掂眼前嘅生意先再算。
搵到夢想令人生過得精彩係開心嘅事，但為咗追夢而犧牲自己嘅退休生活嘅話，似乎又未算係happy ending。
5%以外……
想守住咖啡店之餘又要為將來嘅退休生活做準備，Allin可以考慮喺生意好、收入較多嘅時候，將自己嘅生意同退休儲蓄一齊upgrade——將賺到嘅錢再投資喺間舖之餘，亦儲起一部份「積穀防饑」， cover埋收入一般嘅時期。Allin可以利用強積金強制性供款以外嘅一個好幫手——可扣稅自願性供款（TVC）去滾存呢啲額外儲蓄～TVC嘅供款期同金額都靈活有彈性，Allin可以按生意情況自由調整，賺得多就供多啲，有需要嗰陣可以供少啲，甚至暫停。做生意嘅當然想盡量節省成本，而TVC嘅供款仲有稅務優惠，扣埋稅變相慳咗錢！
無時間管理強積金投資，邊個可以幫幫手？
雖然有TVC幫Allin輕鬆啲去安排額外嘅儲蓄，但佢最頭痕嘅係根本無時間去打理自己嘅投資！話就話強積金係長達三、四十年嘅長線投資，只要揀選咗適合自己嘅基金，就可以利用咁長嘅投資期令儲蓄滾存增值，不過都需要每半年或一年check下個投資組合係咪仲適合自己。但對Allin嚟講，一日就算有48小時都唔夠用，要每隔一排去望一望個MPF組合可能都有啲奢侈。既然生意上要節省成本親力親為，咁MPF不妨考慮搵個識自動波管理組合兼慳錢嘅好助手——講緊嘅係預設投資策略（DIS）！
DIS係一個現成嘅強積金投資方案，佢具備以下三大特性，自動幫你管理投資組合：
如果想了解多啲管理MPF投資嘅基本概念，可以睇埋呢條片：