要比較,梗係蘋果同蘋果比先啱數!
大家買手機都會搵個差唔多嘅產品嚟比較,睇下邊部啱心水,而唔會搵部傳統淨係打出打入嘅手機同部主打高清鏡頭拍到4K片嘅智能輕觸式手機比㗎嘛~其實揀強積金基金都一樣,唔同嘅基金類別,使用嘅投資工具都唔同(例如股票、債券、貨幣市場等),潛在風險同預期回報自然都唔一樣啦!所以要比較基金表現,梗係用同一種類嘅基金比較先至有參考價值!
揀MPF基金齋睇回報就得?
做得投資梗係會睇回報,但揀基金嗰陣都要考慮埋收費,仲有最緊要係基金嘅潛在風險自己係咪「受得起」。強積金基金就係根據預期回報同潛在風險分咗五大類:
至於咩風險嘅基金先啱你,最基本嘅原則就係一個數字——你嘅年齡!由「29+1」去到「登六」,除咗體力可能會差咗,個人喺投資上嘅承受風險能力都會下降。對於MPF呢類横跨幾十年嘅長線投資,一般嚟講年紀輕啲嗰陣可以揀啲進取啲嘅資產爭取高啲回報,但隨住年紀增長,投資組合就要慢慢增加中、甚至低風險資產嘅比例嚟平衡風險。唔知點做?去
呢度睇多啲揀基金嘅貼士啦!
任你眼光獨到,分散投資先係王道!
睇番上面個圖表,以「亞洲股票基金」嘅十年期回報為例,截至2022年12月31日,市場上同類基金最高(即綠色橫線最右嘅數字)同最低(即綠色橫線最左嘅數字)回報率相差超過6%!所以就算你揀咗啱你嘅基金類型,都要再細心喺入面挑選呀~同埋最緊要做好風險管理,唔好過度集中喺某一隻或某一類嘅基金,萬一出現比較大嘅波幅隨時嚇到個心離一離!分散投資喺全球唔同嘅市場同埋資產類別,揸住多元化嘅投資組合,就算個別市場或者資產出現波動,都唔會對你嘅MPF組合表現有太大影響啦~