|
出咗嚟做嘢一段時間,自己同身邊啲朋友都開始爬到高啲嘅職位,負責嘅嘢愈嚟愈多,責任亦愈嚟愈重!坦白講大家都返唔到去當年一吹雞就出到嚟食飯嘅日子,而家想約齊腳,夾時間都搞一個星期,出得嚟都已經係半個月至一個月後嘅事!咁難得見面,當然想空間闊落啲,食得自在啲啦!其實唔只對食有要求,身邊唔少朋友都因為工作太辛苦,既然搵多咗,對生活質素嘅要求都自然提高咗:以前沖三合一咖啡就滿足,而家會買部咖啡機;以前見到西裝有discount,就一次過買幾套,仲驚死遲咗買會蝕底,而家會講究牌子、質料,同埋cutting。講到尾都係想對自己好啲,獎勵自己,作為繼續努力嘅推動力!
消費能力高咗,想做優質生活派都無可厚非,但量入為出都好重要!眼見唔少高收入嘅朋友搵得多時使得仲多,成份糧左手嚟右手去,實際儲埋嘅錢隨時少過你同我,真係touch wood屋企有咩事要多少少錢嚟應急就即刻搞唔掂。唔止咁,有啲人會不自覺將提高自己嘅生活質素變成同人比較物質上嘅「成就」,本來為咗𠱁自己開心,最後跌入為買而買嘅無限輪迴。
搵多咗,使得鬆動啲,冇問題嘅,最緊要係唔好畀自己嘅消費水平超出賺錢能力,亦唔需要覺得有啲嘢買唔起好冇面。因為呢個世界上,我哋買唔起嘅嘢實在太多喇!
知道自己收入有幾多當然容易,甚至每個月份糧一過入你戶口銀行都會send SMS通知你。但係到自己使錢嗰陣,使咗幾多、使咗去邊你又知唔知?太濕碎好難trace番?定係掃興嘅嘢唔好提?
搵多咗,使得鬆動啲,冇問題嘅,最緊要係唔好畀自己嘅消費水平超出賺錢能力,亦唔需要覺得有啲嘢買唔起好冇面。因為呢個世界上,我哋買唔起嘅嘢實在太多喇!
知道自己收入有幾多當然容易,甚至每個月份糧一過入你戶口銀行都會send SMS通知你。但係到自己使錢嗰陣,使咗幾多、使咗去邊你又知唔知?太濕碎好難trace番?定係掃興嘅嘢唔好提?
舉個婆仔啲嘅例子,當你想用張超市coupon去掃貨但又唔想買凸要補錢咁蝕底,你都會邊買邊篤住計數機。咁你唔想使凸自己份糧,都可以篤下呢個積金局嘅「樂享退休GPS」手機App track住使費。例如見到最新嘅旗艦手機好吸引,睇番個App今個月份糧都使得七七八八,仲要應付埋剩低嗰兩個禮拜嘅必要開支,咁就應該知道要hold一hold先。又例如大時大節多咗同朋友fine dining,望一望淨係飲飲食食已經超過自己一半人工,咁就要食下頹飯balance番喇!除咗track住使費,都可以試下習慣將每個月嘅收入分成儲蓄、必要開支同「開心錢」三份去用,平衡自己嘅實際需要同購買慾。
追求quality of life 冇問題,趁搏殺期收入增加,識玩識歎提升生活水平之餘,都要識使識儲。未雨綢繆,把握黃金時間增加退休投資嘅金額,退休之後先可以繼續玩繼續歎!
追求quality of life 冇問題,趁搏殺期收入增加,識玩識歎提升生活水平之餘,都要識使識儲。未雨綢繆,把握黃金時間增加退休投資嘅金額,退休之後先可以繼續玩繼續歎!
撰文:辦公室日報
請按此瀏覽「積場生涯攻略」系列文章
請按此瀏覽「積場生涯攻略」系列文章